Sara Geurts afise ingwara ituma urukoba rwiwe rusaza akiri muto cane ariko akaba yize uko yobivyaza inyungu
Igihe Sara Geurts yagirana ikiganiro n’ikinyamakuru c’abanyamerika Barcroft TV (nouvelle fenêtre) yari afise imyaka 26 ariko iki kinyamakuru kivuga ko umuraba womenga arafise iyindi 30 irengako kubera urukoba rwiwe rusa n’urw’abasaza.
Uyu mwigeme yafashwe na Syndrome d’Ehler-Danlos ingwara yo mubisokuru(maladie génétique) irigita icunyunyu bita collagène mu mubiri wiwe, iki kikaba ari naco gisanzwe kibungabunga urukoba bigaca bituma ku myaka 26 Sara asa n’umutamakazi w’imyaka 70
N’ubwo bimeze uko Sara Geurts ntiyigeze yemera kugira uko umubiri ugize, ngo yigunge canke yihebure, yaciye nyabuna yiga kuvyaza umusaruro umubiri wiwe uko umeze atangura kuwerekana hose mu kuba umunya mideri bamwe berekana umubiri wabo(mannequin)
Mu mwakwa wa 2015 Sara yiyandikishije mw’isekeza « Love your lines » rihayagiza ibikomere canke ibindi biri ku mubiri w’umukenyezi bikabatera kwiyanka. Kuvyerekeye intumbero nyamukuru yatumye Sara abijamwo, uyu agaira ati: » Nibaza ko nzoba uwuserukira abarwaye iyi ngwara ya syndrome d’Ehler-Danlos »
Sara, ntiyibagiye kandi gutera intege abakenyezi bafise ivyo banka ku mubiri wabo mu kugira ati: » Ikintu cose mwanka ku mubiri wanyu ni kimwe muvyo mwisangije, gisigura inkuru yanyu, gisigura uwo muri, kigasigura kandi inzira mwaciyemwo » bivuga Sara Guerts