Reta y’Uburundi iramenyesha ko izoguma yibuka ubutwari n’ukwitanga kw’umushikiranganji Gabby Bugaga.
Mu gihe kuri uyu wa 16.4.2026 hazindutse hahanahanwa ku mbuga ngurukana bumenyi inkuru y’umubabaro y’urupfu giturumbuka rw’umushikiranganji Gabby Bugaga ajejwe kumenyesha amakuru n’ibimenyeshamakuru, Reta y’Uburundi yasohoye itangazo ryo kwemeza urwo rupfu.
Mw’itangazo ryasomwe na Jérôme Niyonzima, umuvugizi wa Reta, uyu muvugizi yamenyesheje ko urwo rupfu giturumbuka rwatewe n’isanganya.
Reta y’Uburundi ikaba yahojeje umuryango wabuze, abagize urwego nshingwabikorwa rwa Reta, abo bahora basangiye imirimo, incuti n’abagenzi hamwe n’abarundi.
Nayo imigirwa ijanye no kumushingurana iteka ngo izomenyeshwa hanyuma.
